اسلام آباد : سابق وفاقی وزیر شیریں مزاری کی بیٹی کا کہنا ہے کہ پولیس اہلکاروں نے میری ماں کومارا اور گھسیٹتے ہوئے لے گئے۔
تفصیلات کے مطابق سابق وفاقی وزیر شیریں مزاری کی بیٹی نے سماجی رابطے کی ویب سائٹ ٹوئٹر پر اپنے تصدیق کی ہے کہ مرد پولیس اہلکاروں نےمیری ماں کومارا اور میری ماں کو گھسیٹتےہوئےلےگئے، ہمیں اتنا بتایا گیا اینٹی کرپشن لاہور انہیں لے گئی ہے۔
ایمان مزاری نے کوہسار تھانے کے باہر میڈیا سے گفتگو کرتے ہوئے کہا حکومت کی جانب سے میری والدہ کو غیرآئینی،غیرقانونی طریقے سے اغوا کیاگیا، کیونکہ گرفتاری میں معلوم ہوتا ہے کس کیس میں لیکرگئے ہیں، میری والدہ کو کچھ ہوا تو میں ان کو چھوڑوں گی نہیں۔
یاد رہے سابق وفاقی وزیر شیریں مزاری کو گھر کے باہر سے پولیس نے گرفتار کرلیا گیا ، اسلام آباد پولیس نے ان کی گرفتاری کی تصدیق کرتے ہوئے بتایا کہ شیریں مزاری کیخلاف ڈی جی خان میں اینٹی کرپشن کے تحت مقدمہ درج تھا، گرفتاری کے بعد انہیں تھانہ کوہسار سے ڈیرہ غازی خان منتقل کردیا گیا ہے۔
