کراچی: پاکستان کرکٹ بورڈ نے ویسٹ انڈیز کے خلاف سیریز کے لئے سولہ رکنی قومی اسکواڈ کا اعلان کردیا ہے۔
تفصیلات کے مطابق اسکواڈ میں تین اوپنرز، تین مڈل آرڈر بیٹرز،دو وکٹ کیپرز،تین اسپنرز کو شامل کیا گیا ہے جبکہ پانچ فاسٹ بولرز کو بھی قومی اسکواڈ میں شامل کیا گیا ہے۔
کالی آندھی سے میچز آٹھ، دس اور بارہ جون کو پنڈی کرکٹ اسٹیڈیم میں کھیلےجائیں گے، سیریز ون ڈے آئی سی سی مینز کرکٹ ورلڈ کپ سپر لیگ کاحصہ ہیں، تربیتی کیمپ کے لیےقومی اسکواڈ یکم جون کو راولپنڈی میں رپورٹ کرےگا۔
- Advertisement -
قومی اسکواڈ
بابراعظم(کپتان) ، نائب کپتان شاداب خان ، محمدرضوان، عبداللہ شفیق،فخر زمان، حارث رؤف، حسن علی، افتخار احمد اور امام الحق، خوشدل شاہ، محمدحارث ،محمد نواز،محمد وسیم جونیئر، شاہین شاہ آفریدی، شاہنواز ڈاہانی اور زاہدمحمود بھی اسکواڈ میں شامل کئے گئے ہیں۔
