وفاقی وزیر داخلہ رانا ثنا اللہ نے کہا ہے کہ عوام پوچھتی ہے عمران نیازی 3 بج چکے ہیں کہاں ہے 20 لاکھ لوگوں کا انقلاب جو ڈی چوک آنا تھا۔
وفاقی وزیر داخلہ رانا ثنا اللہ نے پاکستان تحریک انصاف کے حقیقی آزادی لانگ مارچ کے حوالے سے سماجی رابطوں کی ویب سائٹ ٹوئٹر پر طنزیہ ٹوئٹ کیا ہے۔
وزیر داخلہ رانا ثنا اللہ نے اپنے ٹوئٹ میں کہا ہے کہ تازہ ترین اطلاعات کے مطابق فواد چوہدری 200 افراد کے سیلاب کے ساتھ اسلام آباد کی طرف رواں دواں ہے جب کہ 300 افراد پر مشتمل عوامی انقلاب لاہور میں بتی چوک پر آنکھ مچولی کر رہا ہے۔
عمران نیازی پانچ سے چھ ہزار کے تاریخ کے سب سے بڑے جلوس کیساتھ صوابی انٹرچینج پر 20 لاکھ لوگوں کا انتظار کررہا ہے۔
عوام پوچھتی ہے عمران نیازی تین بج چکے ہیں، کہاں ہے بیس لاکھ لوگوں کا انقلاب جو ڈی چوک آنا تھا؟
— Rana SanaUllah Khan (@RanaSanaullahPK) May 25, 2022
رانا ثنا اللہ نے اپنے ٹوئٹ میں مزید لکھا ہے کہ عمران نیازی 5 سے 6 ہزار کے سب سے بڑے جلوس کے ساتھ صوابی انٹر چینج پر ہے اور 20 لاکھ لوگوں کا انتظار کررہا ہے۔
وزیر داخلہ نے کہا ہے کہ عوام پوچھتی ہے کہ عمران نیازی 3 بج چکے ہیں، کہاں ہے 20 لاکھ لوگوں کا انقلاب جو ڈی چوک آنا تھا۔
