اسلام آباد : پاکستان تحریک انصاف کے رہنما حماد اظہر کا ای میل اور ٹویٹر اکاؤنٹس ہیک کر لیا گیا ، فواد چوہدری نے کہا اکاؤنٹ کی بحالی تک ان اکاؤنٹس کو نظرانداز کر دیں۔
تفصیلات کے مطابق سابق وزیر اطلاعات و نشریات فواد چوہدری نے سماجی رابطے کی ویب سائٹ ٹوئٹر پر اپنے بیان میں بتایا کہ کہ پی ٹی آئی رہنما حماد اظہر کے ای میل اور ٹویٹر اکاؤنٹ ہیک کر لیے گئے ہیں، لہذاٰ اکاؤنٹ کی بحالی تک ان اکاؤنٹس کو نظرانداز کر دیں۔
حماد اظہر کا Twitter Account اور Email ہیک کر کیا گیا ہے، لہذاٰ اس اکاؤنٹ کی بحالی تک ان اکاؤنٹس کو نظرانداز کر دیں
— Ch Fawad Hussain (@fawadchaudhry) May 27, 2022
فواد چوہدری کی جانب سے ہیکنگ کے اعلان کے بعد سابق وزیر توانائی کے ٹوئٹر اکاونٹ پپر کوئی غیر معمولی سرگرمی دیکھنے میں نہیں آئی اور حماد اظہر کے اکاؤنٹ سے پوسٹ کیا گیا آخری پیغام مسلم لیگ (ن) کی رہنما مریم نواز کی تقریر تھی، جس میں وہ پیٹرول کی قیمتوں میں گزشتہ اضافے پر تنقید کر رہی ہیں۔
خیال رہے یہ پہلا موقع نہیں جب پاکستان میں اکاؤنٹس ہیکنگ کیا گیا ہوا، اس سے قبل حال ہی میں پنجاب پولیس کا آفیشل ٹوئٹر اکاؤنٹ ہیک کیا گیا تھا۔
پنجاب پولیس کا سوشل میڈیا پر آفیشل اکاؤنٹ DDPROfficial ہیک کر لیا گیا ہے۔سوشل میڈیا صارفین اور فالورز سے گزارش ہے کہ آفیشل اکاؤنٹ کی بحالی تک پنجاب پولیس اپ ڈیٹس کو استعمال کیا جائے گا۔ pic.twitter.com/9DbiqsFR4n
— Punjab Police (Updates) (@PunjabPoliceCPO) January 21, 2022
