بہار: بھارتی ریاست بہار سے تعلق رکھنے والی اسپائیڈر گرل کے نام سے مشہور عجیب الخلقت بچی کی ویڈیو وائرل ہو گئی۔
بھارتی میڈیا کے مطابق ڈھائی سالہ بچی بہار کے نیواڈا ضلع میں پیدا ہوئی تھی، لڑکی کو اسپائیڈر گرل کہا جا رہا ہے کیوں کہ اس کی پیدائش پیٹ سے جڑے ہوئے دو اضافی بازوؤں اور دو ٹانگوں کے ساتھ ہوئی تھی۔
ایک مقامی نیوز چینل نے ٹویٹر پر لڑکی کی ویڈیو شیئر کی جو وائرل ہو گئی، ویڈیو میں لڑکی کو عام بچوں کی طرح چلتے پھرتے اور روزمرہ کام کرتے دیکھا جا سکتا ہے۔
बिहार : नवादा जिले में एक ढाई साल की बच्ची के जन्म से ही चार हाथ और पैर
◆बच्ची की माता-पिता ने इलाज के लिए SDO कार्यालय पहुंचकर मदद की गुहार लगाई pic.twitter.com/2AYHCwINfm
— News24 (@news24tvchannel) May 27, 2022
جب اس لڑکی کی پیدائش ہوئی تھی تو اس غریب خاندان کے لیے یہ ایک صدمہ تھا، اس کے جسم سے جڑے ہوئے اضافی بازو اور ٹانگیں حرکت نہیں کر سکتیں۔
غربت کی وجہ سے بچی کے والدین اس کی سرجری بھی نہیں کروا سکے تھے، ڈاکٹروں کا کہنا تھا کہ چھوٹی بچی کو پولیمیلیا ہے، یہ ایک پیدائشی نقص ہے جس میں بچے عام اعضا کی تعداد سے زیادہ کے ساتھ پیدا ہوتے ہیں۔
टेन्शन मत लीजिए इलाज शुरू करवा दिया है। बस दुआ करिएगा। https://t.co/gndrRhuNQJ pic.twitter.com/YoCTRoqoir
— sonu sood (@SonuSood) May 28, 2022
لیکن اس خاندان کی خوش قسمتی سے کرونا وبا کے دوران ملک بھر میں امدادی سرگرمیاں انجام دینے والے بولی ووڈ اداکار سونو سود اس لڑکی کی سرجری کے سلسلے میں بھی مدد کو آ گئے ہیں، سونو سود نے لڑکی کا علاج کرنے والے ڈاکٹروں کی تصویر بھی پوسٹ کی، اور تصویر کے ساتھ انھوں نے لکھا ’ٹینشن نہ لیں، بس دعا کریں‘۔
