کراچی کے علاقے نارتھ ناظم آباد جناح یونیورسٹی کی طالبہ کی خودکشی کی کوشش ناکام بنادی گئی۔
اے آر وائی نیوز کے مطابق کراچی میں نارتھ ناظم آباد جناح یونیورسٹی میں طالبہ نے مبینہ طور پر خودکشی کی کوشش کی ہے تاہم متاثرہ طالبہ کو تشویشناک حالت میں عباسی شہید اسپتال منتقل کردیا گیا۔
طالبہ کی خودکشی کی کوشش کا واقعہ آج دوپہر کو پیش جس کی ویڈیو سامنے آگئی۔
- Advertisement -
مبینہ طور پر اقدام خودکشی کرنے والی طالبہ کو بالائی منزل پر دیکھا جاسکتا ہے دوسری جانب واقعے سے متعلق یونیورسٹی انتظامیہ کا موقف تاحال سامنے نہ آسکا۔
پولیس کا دعویٰ ہے کہ طالبہ نے چھت سے کودنے کی کوشش کی تھی جس میں وہ ناکام رہی اور طالبہ مبینہ طور پر گھر سے چوہے مار دوا پی کر آئی تھی۔
ذرائع کا بتانا ہے کہ واقعے کے حوالے سے پولیس نے تفتیش شروع کردی ہے۔
