کراچی میں قربانی کے جانوروں کی چھتوں پر پالنے اور کرین سے اتارنے پر لگی پابندی شہریوں نے ہوا میں اڑا دی۔
اے آر وائی نیوز کے مطابق کراچی کے شہریوں نے حکومت سندھ کی جانب سے لگائی گئی پابندی ایک بار پھر ہوا میں اڑا دی۔
لیاقت آباد بندھانی کالونی میں ایک اور قربانی کے جانور کے ساتھ حادثہ پیش آگیا جس کی ویڈیو اے آر وائی نیوز نے حاصل کرلی۔
ویڈیو میں کرین کی مدد سے اتارے جانے والے جانور کو گرتے ہوئے دیکھا جاسکتا ہے۔
یاد رہے کہ گزشتہ سال جانوروں کی کرین سے گرنے کے واقعات کی وجہ سے حکومت سندھ نے مویشیوں کی بلند و بالا عمارتوں کی چھتوں پر پرورش اور کرین سے اتارنے پر پابندی عائد کی تھی۔
تاہم رواں سال بھی لیاقت آباد سمیت مختلف علاقوں میں قربانی کے جانور کرین کی مدد سے بلند عمارتوں سے اتارے جارہے ہیں۔
