کراچی: پیپلزپارٹی کے رکن صوبائی اسمبلی ہیر سوہو کے چچا کو پولیس نے منشیات اسمگل کرتے ہوئے گرفتار کرلیا۔
اے آر وائی نیوز کے مطابق پیپلزپارٹی کی رہنما ہیر سوہو کے چچا منشیات سرکاری جعلی نمبر پلیٹ گاڑی میں اسمگل کررہے تھے اور گاڑی کے مڈگارڈ کے پیچھے خفیہ خانے سے 11 کلو سے زائد منشیات برآمد کی گئی۔
پولیس کا کہنا ہے کہ ملزم محمد ابراہیم سوہو نے بلوچستان کی جعلی سرکاری نمبر پلیٹ لگا رکھی تھی جبکہ منشیات چوکنڈی قبرستان کے قریب کچے سے کراچی منتقل کی جارہی تھی۔
پولیس کے مطابق میمن گوٹھ پولیس نے خفیہ اطلاع پر کچے سے ملزم کو رنگے ہاتھوں گرفتار کیا ہے۔
ایم پی اے ہیر سوہو کا موقف
پیپلزپارٹی رکن اسمبلی ہیر سوہو کا کہنا ہے کہ گرفتار ملزم ابراہیم میرا رشتہ دار ہے، میرا کوئی رشتہ دارجرائم میں ملوث ہو اس کیخلاف کارروائی کی جائے۔
ان کا مزید کہنا تھا کہ جرم چاہے کسی بھی نوعیت کا ہو میں اس کے خلاف ہوں۔
