بھارت کی معروف گلوکارہ نیہا ککڑ اور پاکستانی اداکارہ نمرہ خان کی انسٹاگرام چیٹ سوشل میڈیا پر وائرل ہوگئی۔
نمرہ خان نے اپنی انسٹاگرام اسٹوری پر خود چیٹ کا اسکرین شاٹ شیئر کیا اور لکھا کہ یہ اصل میں خوبصورت ہے، آئی لو یو نیہا ککڑ۔
اس سے قبل نمرہ خان نے نیہا ککڑ کو کیے گئے میسج میں ان سے اپنی محبت کا اظہار کیا تھا جس کے جواب نیہا ککڑ نے محبت والا اموجی بھیجا تھا۔
حال ہی میں انڈین فلم اکیڈمی ایوارڈز کے دوران نیہا ککڑ کی ایک ویڈیو وائرل ہوئی تھی جس میں انہوں نے کہا تھا کہ ناصرف عاطف اسلم بلکہ مجھے پاکستان کے دیگر گلوکاروں کے ساتھ گانے میں بہت مزہ آتا ہے، پاکستانی گلوکاروں کا کوئی ثانی نہیں۔
بھارتی گلوکارہ نے مزید کہا تھا کہ پاکستانی ٹیلنٹ کا جواب نہیں، پاکستان میں بہت زیادہ اور زبردست ٹیلنٹ ہے، میں پاکستانی میوزک کی مداح ہوں۔
واضح رہے کہ نیہا ککڑ کا شمار بھارت کی معروف گلوکاراؤں میں ہوتا ہے جبکہ نمرہ خان بھی پاکستان کی معروف اداکارہ ہیں۔
