اسلام آباد : حکومتی ترجمان کا کہنا ہے کہ اطلاعات بتا رہی ہیں اس بار فیٹف گرے لسٹ معاملہ پاکستان کے حق میں جائے گا۔
تفصیلات کے مطابق ایف اے ٹی ایف اجلاس کا برلن میں آج آخری دن ہے اور پاکستان کے گرے لسٹ سے نکلنے کے امکانات روشن ہیں۔
بی بی سی نے حکومت پاکستان کی ایک ترجمان کے ذریعے بتایا کہ اب تک ملنے والی اطلاعات یہی بتارہی ہیں کہ اس بار معاملہ پاکستان کے حق میں جائے گا۔
حکومتی ترجمان کا کہنا تھا کہ پاکستان اگر گرے لسٹ سے نکلتا ہے، تب بھی معاملات طے ہونے میں سات سے آٹھ ماہ کا عرصہ لگ سکتا ہے۔
ترجمان کے مطابق گرے لسٹ سے نکلنے کی صورت میں ایف اے ٹی ایف ٹیم پاکستان کا دورہ کرے گی تاکہ خود تسلی کرسکیں کہ سفارشات پر کام مکمل ہوا ہے یا نہیں۔
وفاقی حکومت کے ترجمان کا کہنا ہے کہ ایف اے ٹی ایف کی ٹیم کو رہ جانے والی دو سفارشات میں قانون میں ترمیم کے نفاذ سے متعلق خدشات ہیں حالانکہ معاملات پاکستان کے حق میں نظر آتے ہیں لیکن اجلاس میں دیگر ممالک بھی ہوتے ہیں، جن کی رضامندی اور تسلی بھی معنی خیز ہوتی ہے۔
