پشاور: دہشتگردی کی اہم وارداتوں میں ملوث ملزم کو پشاور سے گرفتار کرلیا گیا ہے، شدت پسند سات مقدمات میں کراچی پولیس کو مطلوب ہے۔
پشاور پولیس نے دہشتگردوں کی موجودگی کی اطلاع پر ریگی کے علاقے میں چھاپہ مارا، کارروائی میں عمران ولد عباس نامی دہشتگرد کو حراست میں لے لیا ہے۔
گرفتار شدت پسند عمران دہشت گردی کے سات مقدمات میں کراچی پولیس کو مطلوب تھا اور گرفتاری کے خوف سے پشاور میں روپوش تھا۔
- Advertisement -
گرفتار شدت پسند پر مختلف کارروائیوں میں بارود اور دیگر مواد فراہم کرنے کا الزام ہے، گرفتار دہشتگرد کے قبضے سے شارٹ گن اور مختلف اقسام کا اسلحہ بھی برآمد ہوا ہے۔
گرفتار شدت پسند کو مزید تفتیش کیلئے نامعلوم مقام پر منتقل کردیا گیا ہے۔
