پشاور: کے پی کے جنگلات میں ہونے والی آتشزدگی سے نمٹنے کے لئے صوبائی حکومت نے اہم فیصلہ کیا ہے۔
تفصیلات کے مطابق سیکرٹری جنگلات کی جانب سے جاری بیان میں بتایا گیا ہے کہ جنگلات میں آگ کو فوری بجھانے کیلئےکےپی حکومت نے جہاز خریدنے پر غور شروع کردیا ہے انہوں نے بتایا کہ ترقی یافتہ ممالک میں بھی آگ کو بجھانےکیلئےجہاز استعمال ہوتا ہے۔
سیکرٹری جنگلات کا کہنا تھا کہ جہاز کی دستیابی سےآگ کو فوری بجھانےمیں مددملےگی۔
واضح رہے کہ خیبر پختونخوا کے جنگلات اور میدانی علاقوں میں 210 مقامات پر آگ لگنے کے واقعات رونما ہوئے۔
یہ بھی پڑھیں: کے پی میں جنگلات کو جان بوجھ کر جلایا گیا، 12 ملزمان گرفتار
واقعات کی مشاہداتی رپورٹ کے مطابق آگ لگنے کے 26 فیصد سے زیادہ واقعات میں لوگ ملوث تھے جبکہ درجہ حرارت میں غیر معمولی اضافہ بھی آگ لگنے کی وجہ بنی۔ اس کے علاوہ بارشیں کم ہونا بھی آگ لگنے کی وجہ ہو سکتی ہے۔
رپورٹ میں کہا گیا ہے کہ باقاعدہ یا محفوظ جنگلات میں آگ لگنے کے واقعات کم ہوئے، 60 فیصد سے زیادہ آگ لگنے کی وجوہات معلوم نہ ہو سکیں جبکہ آگ لگنے سے متعلق 27 مقدمات درج ہوئے۔
رپورٹ میں کہا گیا تھا کہ جنگلات میں آگ لگنے کی ایک وجہ یہ افواہ بھی تھی کہ سرکار جلنے والے جنگلات کی رقم دیتی ہے، مستقبل کے لیے قدرتی حادثات سے نمٹنے والے جہاز کی خریداری کی جائے۔
