کراچی : پاکستان سے سعودی عرب ہیروئن اسمگلنگ کی کوشش ناکام بنادی گئی اور مسافر سے 2.999 کلو گرام آئس ہیروئن برآمد کر لی۔

تفصیلات کے مطابق ایئرپورٹس سیکورٹی فورس نے پشاور ایئر پورٹ پر کارروائی کرتے ہوئے کروڑوں روپے مالیت کی ہیروئن اسمگلنگ کی کوشش ناکام بنادی۔

اے ایس ایف کے عملے نے ریاض جانے والے مسافر سے 2.999 کلو گرام آئس ہیروئن برآمد کرکے گرفتار کرلیا۔

ترجمان نے بتایا کہ مسافر بلال حسین نے ہیروئن بیگ کی تہہ میں مہارت سے چھپا رکھی تھی تاہم اے ایس ایف کے عملے نے سامان کی تلاشی کے دوران منشیات برآمد کر کے اسمگلنگ کی کوششں ناکام بنائی۔

اے ایس ایف کا کہنا تھا کہ ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کر دیا گیا ہے۔