کراچی :سماجی تنظیم نے ڈاکٹر عامر لیاقت کی تیسری اہلیہ دانیہ ملک کے خلاف درخواست دائر کردی ، جس میں استدعا کی گئی کہ عدالت ایف آئی اے کو دانیہ ملک کے خلاف کارروائی کا حکم دے۔
تفصیلات کےمطابق کراچی ڈسٹرکٹ سیشن کورٹ جنوبی کی عدالت میں سماجی تنظیم کی جانب سے عامر لیاقت کی تیسری اہلیہ دانیہ ملک کے خلاف درخواست دائر کردی۔
درخواست میں ایف آئی اے سائبر کرائم اور دانیہ ملک کو فریق بنایا گیا ہے، درخواست میں کہا گیا ہے کہ عدالت ایف آئی اے کو دانیہ شاہ کے خلاف کارروائی کا حکم دے۔
ایڈووکیٹ عامر جمیل ورک نے عدالت میں کہا کہ دانیہ نے عامر لیاقت کی نازیبا ویڈیوز سوشل میڈیا پر وائرل کیں، ایف آئی اے سائبر کرائم دانیہ کے خلاف کارروائی کرے۔
درخواست گزار کا کہنا تھا کہ کہ دانیہ نے پوری دنیا میں پاکستان کی عورتوں کی عزت مجروح کی ہے، دانیہ کی حرکت کی وجہ سے پاکستانی عورتوں کے سر شرم سے جھک گئے۔
درخواست میں موقف اختیار کیا گیا ہے کہ معمولی تنازعہ پر اپنے شوہر کی نازیبا ویڈیوز وائرل کرنے کی سزا دانیہ کو ملنی چاہیے۔
