اسلام آباد : تحریک انصاف کے رہنما بابر اعوان کا کہنا ہے کہ سائفر اور سازش کا نتیجہ این آراو ٹو تھا جو مل گیا ، ابھی مہنگائی آئی ہے پندرہ دن بعد تباہی آنے والی ہے ۔
تفصیلات کے مطابق تحریک انصاف کے رہنما بابر اعوان نے احتساب عدالت کے باہر میڈیا سے گفتگو کرتے ہوئے کہا کہ احتساب عدالت کی عمارت سائفر نوازش سازش اور مداخلت کے بعد خالی ہونے جارہی ہے، سائفر کا نتیجہ گرینڈ این ار او ٹو تھا، 1200ارب کےمقدمات ایک ایک کرکےختم ہوجائیں گے،
بابر اعوان نے بتایا کہ فیٹیف قانون سازی کے وقت ایک ترمیمی ایجنڈا پیش کیا گیا تھا ، 117 بڑے مقدمات کو سامنے رکھ کر 34 نقاطی ترمیم ایجنڈا ترتیب دیا گیا مگر عمران خان نے اپنی حکومت میں این آراو سے انکار کیا تھا۔
رہنما پی ٹی آئی نے کہا کہ جس ملک میں شراب پر پابندی نہیں اس ملک میں بچوں کو چاکلیٹ پر پابندی ہے ، تاکہ اپنی کوکو مومو بیچی جاسکے، پٹرول اور چینی کو مصنوعی بحران کہنے والے آج کہتے ہیں چائے بھی چھوڑ دو۔
ڈالر کی اڑان کے حوالے سے ان کا کہنا تھا کہ وفاقی بینک میں ڈالر کی قیمت دو بارہ روپے تک پہنچ چکا ہے، ابھی مہنگائی آئی ہے پندرہ دن بعد تباہی آنے والی ہے، تنخواہ دار اور مزدور طبقہ نے سارا نظام بدل دیا ہے۔
بابر اعوان نے کہا کہ انہوں نےجمہوریت کی تعریف ہی بدل دی ہے، لوگوں کی حکومت لوگوں کے زریعے آتی ہے ، ادھر ایلیٹ کی حکومت ایلیٹ کے زریعے بنائی گی، عمران خان سے خوف زدہ ہونا چھوڑ دو۔
اسرائیل سے تعلقات کے حوالے سے رہنما پی ٹی آئی کا کہنا تھا کہ حکومت اسکا جواب دے سرکاری ملازم کس کی اجازت سے اسرائیل گیا،کیاسرکاری ملازم کو واپسی پرحراست میں لیاگیا،پوچھ گچھ کی گئی؟اسرائیل کیساتھ خفیہ ملاقاتیں ہورہی ہے لیکن ملک کےعوام کسی صورت اسرائیل سےتعلقات کی اجازت نہیں دیں گے۔
