اسلام آباد : امریکا یونیورسٹی کی تحقیق میں احساس پروگرام کی کامیابی کا اعتراف کرلیا ، عمران خان نے کہا کہ غیر معمولی دور کے باوجود ہم پہلی بار فلاحی ریاست کی بنیاد رکھنے میں کامیاب رہے۔
تفصیلات کے مطابق سابق وزیراعظم عمران خان نے سماجی رابطے کی ویب سائٹ اسٹینفورڈ یونیورسٹی کی جانب سے تحقیق شیئر کرتے ہوئے اپنے پیغام میں کہا ہماری حکومت آئی تو معیشت دیوالیہ پن کے کنارے کھڑی تھی ، آئی ایم ایف پروگرام، کوروناجیسی وبااورعالمی سطح پر اشیاکی قیمتیں بڑھ رہی تھیں، غیر معمولی دور کے باوجود ہم پہلی بار فلاحی ریاست کی بنیاد رکھنے میں کامیاب رہے۔
دیوالیہ پن کے کنارے کھڑی معیشت کو بچاتے ہوئے آئی ایم ایف پروگرام، کوروناء جیسی عالمگیر وباء اور اشیاء کی (عالمی سطح پر) قیمتوں میں اضافے کے غیرمعمولی دور کے باوجود میری حکومت ہماری تاریخ میں پہلی مرتبہ ایک فلاحی ریاست کی بنیاد رکھنے میں کامیاب رہی۔https://t.co/Y3gwS1iPxB
— Imran Khan (@ImranKhanPTI) June 22, 2022
تحقیق میں امریکا کی اسٹینفورڈ یونیورسٹی نے احساس پروگرام کی کامیابی کااعتراف کرتے ہوئے کہا احساس پروگرام کمزور طبقے کی بہتری کیلئے عالمی سطح پر منفرداقدام ہے۔
