پاکستانی ڈرامے اور فلموں کی نامور اداکارہ صبا فیصل کا کہنا ہے کہ ”لندن نہیں جاؤں گا“ میں میرا کردار سب سے اہم ہے۔
اے آر وائی ڈیجیٹل کے پروگرام ”گڈ مارنگ پاکستان“ میں شرکت کے دوران صبا فیصل نے اپنی نئی آنے والی فلم ”لندن نہیں جاؤں گا“ پر گفتگو کی۔
صبا فیصل نے کہا کہ فخر سے بتاتی ہوں کہ فلم میں میرا کردار بہت اہم ہے، میں نے اس کردار کو نبھاتے ہوئے بہت مزا کیا، ندیم بیگ کی پروڈکشن اور کہانیاں قبلِ تعریف ہوتی ہیں۔
انہوں نے یہ بھی کہا کہ آپ سب نے فلم دیکھنی ہے، میں عید الحضیٰ پر 17 لوگوں کو فلم دکھانے لے جاؤں گی۔
سلمان اقبال فلمز، اے آر وائی فلمز اور سکس سگما پلس کی مشترکہ پیشکش فلم ”لندن نہیں جاؤں گا“ کا دھماکے دار ٹریلر ریلیز کر دیا گیا ہے۔
”لندن نہیں جاؤں گا“ کا ٹریلر اے آر وائی نیوز کے یوٹیوب چینل پر اپ لوڈ کیا گیا ہے۔ ندیم بیگ کی ہدایت کاری میں بنی فلم میں سپر اسٹار ہمایوں سعید، مہوش حیات، کبریٰ خان اور سہیل احمد جلوے دکھائیں گے۔
فلم ”لندن نہیں جاؤں گا“ اس عید الاضحیٰ پر اے آر وائی فلمز کے بینر تلے ریلیز کی جائے گی۔
