چمن: امریکا نے گوانتاناموبے جیل سے افغان شہری کو رہا کر دیا۔
تفصیلات کے مطابق ترجمان امارت اسلامیہ افغانستان ذبیح اللہ مجاہد نے ایک ٹویٹ میں کہا ہے کہ امریکا نے افغان شہری اسد اللہ ہارون کو بدنام زمانہ جیل گوانتانامو بے سے رہا کر کے امارت اسلامیہ کے حوالے کر دیا ہے۔
ترجمان نے کہا کہ امارت اسلامیہ افغانستان کی کوششوں کے نتیجے میں آج ہم گوانتانامو جیل سے اسد اللہ ہارون کی رہائی اور برسوں بعد ان کے خاندان کے ساتھ دوبارہ ملنے کا مشاہدہ کر رہے ہیں۔
ذبیح اللہ نے کہا ہم اس سلسلے میں زمین ہموار کرنے پر اپنے برادر ملک قطر کا بھی شکریہ ادا کرنا چاہیں گے۔
As a result of IEA’s efforts, today, we are witnessing the release of Assadullah Haroon from Guantanamo prison and his reunion with his family years later. We would also like to thank our brother country Qatar for paving the
ground in this regard. 4/4Zabihullah Mujahid pic.twitter.com/fSWmhwVTtD
— Zabihullah (..ذبـــــیح الله م ) (@Zabehulah_M33) June 24, 2022
ترجمان کا کہنا تھا کہ امریکا کے ساتھ براہ راست اور مثبت بات چیت کے نتیجے میں گوانتانامو بے میں قید 2 قیدیوں میں سے ایک کی رہائی عمل میں آئی ہے۔
انھوں نے ٹویٹ میں لکھا کہ آئی ای اے دوسرے ممالک میں زیر حراست افغانوں کی رہائی کو اپنا فرض سمجھتا ہے، اور اس بات کو یقینی بنانے کی کوشش کرتا ہے کہ کسی بھی ملک میں کوئی افغان مظلوم نہ رہے۔
ذبیح اللہ نے کہا ہم ان چند ممالک سے رابطے میں ہیں جہاں افغان باشندوں کو حراست میں لیا گیا ہے اور ان کی جلد رہائی کے لیے کوششیں جاری ہیں۔
