کراچی: پاکستان میں روز بروز بڑھتی مہنگائی کے پیشِ نظر اگر فوری عام انتخابات ہو جائیں تو کون سی جماعت جیتے گی؟ اس پر کراچی کے عوام نے اپنا فیصلہ سنا دیا ہے۔
پاکستان کے روز بروز بڑھتے ہوئے مسائل کا حل کیا ہے؟ کیا حکومت کو کچھ وقت دنیا چاہیے؟ عوام کیا چاہتے ہیں؟ لوڈشیڈنگ، مہنگائی اور ڈالر کی اڑان سے پریشان پاکستان کا مستقبل کیا ہے؟
ان سب سوالوں کا جواب اے آر وائی نیوز سے گفتگو کرتے ہوئے کراچی کے عوام نے دیا۔ عوام کی اکثریت فوری الیکشن کو پاکستان کے مسائل کا حل سمجھتی ہے۔
شہریوں کا کہنا ہے کہ مہنگائی زیادہ ہے ہر کوئی پریشان ہے، وزیر اعظم شہباز شریف سے گزارش ہے کہ عوام کا کچھ تو خیال کریں، جو وزیر اعظم عوام کے لیے سوچے وہ اچھا ہے ورنہ کوئی بھی اچھا نہیں۔
ان کا کہنا ہے کہ عمران خان کے دور میں بھی مہنگائی تھی لیکن اتنی نہیں تھی جتنی آج ہے، اب تو مڈل کلاس طبقہ بھی مشکل سے گزارا کر رہا ہے، الیکشن ہوں لیکن عوام کے لیے بہتر ہونا چاہیے، اگر عمران خان ملک کے لیے کچھ بہتر کرنا چاہیں تو ہم انہیں ووٹ دیں گے۔
عوام کی رائے ویڈیو میں ملاحظہ کیجیے:
