موسم گرما میں بال خشک اور روکھے ہوجاتے ہیں لہٰذا انہیں اضافی حفاظت کی ضرورت ہوتی ہے جس میں وقت اور محنت دونوں صرف ہوتے ہیں۔
تاہم صرف ایک انڈے کی زردی سے بالوں کو گھنا، لمبا اور چمکدار بنایا جاسکتا ہے۔
خشک بالوں کے لیے انڈے کی زردی کا ماسک بہترین ہے۔
- Advertisement -
اس ماسک کے لیے 2 انڈوں کی زردی کو 3 کھانے کے چمچ پانی میں ملا کر استعمال کیا جاتا ہے، جب یہ آمیزہ ایک دوسرے کے ساتھ یک جان ہو جائے تو اسے بالوں پر 30 منٹ تک لگا کر رکھ دیں۔
پھر بالوں کو ٹھنڈے پانی سے اچھی طرح دھولیں، یہ ماسک بالوں کو ہائیڈریشن اور نئی زندگی دینے میں مدد دے گا۔
اس کے ساتھ ہی آپ دہی میں ایک انڈا ملا کر اس میں تھوڑا سا زیتون کا تیل ملا کر بالوں میں ماسک لگائیں، جب خشک ہو جائے تو اسے دھو لیں۔ اس سے بالوں کی حیرت انگیز نشوونما ہوتی ہے۔
