بوگوٹا: کولمبیا میں بل فائٹنگ کے دوران اسٹیڈیم کا اسٹینڈ گرنے سے 5 افراد ہلاک اور 500 زخمی ہو گئے۔
تفصیلات کے مطابق وسطی کولمبیا میں بیلوں کی لڑائی کے دوران ایک اسٹینڈ گرنے سے کم از کم پانچ افراد ہلاک اور پانچ سو سے زائد زخمی ہو گئے، جن میں سے 30 افراد کی حالت تشویش ناک بتائی جا رہی ہے۔
سامنے آنے والی ویڈیوز میں اسٹینڈ گرنے کے خوف ناک منظر کو دیکھا جا سکتا ہے، مرنے والوں میں 2 خواتین سمیت ایک بچہ بھی شامل ہے۔
رپورٹس کے مطابق ٹولیما کے علاقے میں سالانہ سان جوآن اور سان پیڈرو کی تقریبات جاری تھیں کہ اچانک لکڑی سے بنا اسٹیڈیم ٹوٹ گیا، جس سے بھگدڑ مچ گئی۔
#Tolima #Colombia🇨🇴- Stadium partially collapses during a Corraleja bullfighting event in #ElEspinal, at least four people killed and 70 people injured, pic.twitter.com/Ej3lUghY3l
— CyclistAnons (@CyclistAnons) June 27, 2022
اسٹیڈیم کا یہ حصہ تین منزلہ تھا، مقامی حکام کا کہنا ہے کہ ہلاکتوں میں اضافے کا خدشہ ہے، جب کہ مریضوں کی کافی تعداد ہونے کی وجہ سے اسپتالوں میں جگہ بھی موجود نہیں ہے۔
واقعے کے وقت ایک بیل رِنگ کے اندر گھوم رہا تھا،روایتی ‘کورالیجا’ ایونٹ میں عام لوگ بیلوں کو مشغول کرنے کے لیے رِنگ میں داخل ہوتے ہیں۔
BREAKING: Stadium collapses during bullfight in Espinal, Colombia; at least 5 dead, 500 injured pic.twitter.com/yXzHgpharS
— BNO News (@BNONews) June 26, 2022
سبک دوش ہونے والے صدر ایوان ڈیوک نے واقعے پر رد عمل میں کہا کہ اس کی تحقیقات کی جائیں گی، جب کہ نئے منتخب صدر گستاؤ پیٹرو نے مقامی حکام پر زور دیا کہ وہ ایسے واقعات پر پابندی لگائیں۔
انھوں نے کہا میں میئرز سے کہتا ہوں کہ وہ مزید ایسے واقعات کی اجازت نہ دیں جس میں لوگوں یا جانوروں کی موت شامل ہو، انھوں نے کہا یہ پہلا موقع نہیں کہ اس طرح کا حادثہ پیش آیا ہو۔
