اسلام آباد : سابق وزیر فواد چوہدری کا کہنا ہے کہ ‘عمران خان پر تنقید کرنا خواجہ آصف کا حق ہے، مگر وزیر دفاع لگانا خطرناک ہے۔
تفصیلات کے مطابق سابق وزیر فواد چوہدری نے سماجی رابطے کی ویب سائٹ ٹوئٹر پر خواجہ آصف کے بیان پر ردعمل دیتے ہوئے کہا کہ عمران خان پر تنقید کرنا خواجہ آصف کا حق ہے، مگر وزیردفاع لگانا خطرناک ہے ، انکی دماغی حالت ابھی تک ماضی قریب کے ایک صدمے سے باہر نہیں آسکی۔
فواد چوہدری کا کہنا تھا کہ کہتے ہیں خواجہ آصف اول فول بک رہے ہیں، جب تک ماہر نفسیات مکمل چیک اپ کے بعد کلئیر نہیں کرتے،ان سے وزارت کا چارج واپس لینا چاہئے۔
خواجہ آصف کو دفاع کا وزیر لگانا خطرناک ہے، عمران خان پر تنقید کرنا ان کا حق ہے لیکن ان کی دماغی حالت ابھی تک ماضی قریب کے ایک صدمے سے باہر نہیں آسکی اور وہ اوّل فُول بک رہے ہیں جب تک ماھر نفسیات مکمل چیک آپ کے بعد انھیں کلئیر نہیں کرتے ان سے وزارت کا چارج واپس لینا چاہئے
— Ch Fawad Hussain (@fawadchaudhry) June 27, 2022
ٓدوسری جانب ڈاکٹر شہبازگل نے سماجی رابطے کی ویب سائٹ پر اپنے بیان میں کہا کہ خواجہ آصف کا اوورسیز کے خلاف توہین آمیز بیان شرمناک ہے، ان کے اپنے سارے رہنما بیرون ملک رہائش پذیر ہیں اور کہتے ہیں اوورسیز پاکستانی ملک سے وفادار نہیں،آپ ملک لوٹنے والے ہیں اور وہ بچانے والے۔
خواجہ آصف کا سمندر ہار پاکستانیوں کے خلاف توہین آمیز بیان شرمناک حرکت ہے۔انکے اپنے سارے لیڈران اس وقت بیرون ملک رہائش پزیر ہیں لیکن کہتے ہیں کہ ایک عام اوورسیز پاکستانی ملک سے وفادار نہیں۔
آپ ملک لوٹنے والے ہیں وہ بچانے والے ہیں۔
وہ آپ سے اور آپکے لیڈران سے زیادہ وفادار ہیں۔
— Dr. Shahbaz GiLL (@SHABAZGIL) June 28, 2022
