ریاض : سعودی عرب میں ریاض کی ایک فلاحی انجمن "مساعی” نے ایوان تجارت کے تعاون سے ایک روزگار پروگرام کا انعقاد کیا جس کے نتیجے میں300 سے زیادہ سعودی نوجوانوں کو روزگارملا ہے۔
سبق ویب سائٹ کے مطابق روزگار پروگرام میں چار ہزار200 سعودی نوجوانوں نے شرکت کی۔ اس موقع پر امیدواروں سے ان کے کوائف اور انٹرویو کیے گئے۔
امیدواروں کی لیاقت اور تجربے کو مدنظر رکھ کر مختلف ملازمتوں کے لیے ان کی درجہ بندی کی گئی۔
- Advertisement -
سعودی نوجوانوں کو افرادی قوت، ٹریفک، ڈیزائن، قرضوں کی وصولی، اکاؤنٹنٹس، گودام انچارج، انجینیئر، ڈیٹا آپریٹر، الیکٹرانک ٹیکنیشن، بکنگ، ٹرینرز وغیرہ کی اسامیوں کی آفرکی گئی تھی۔
