کراچی : حکومت نے بین لاقوامی پروازوں میں بزنس اورفرسٹ کلاس کے کرایوں میں سپر ٹیکس لاگو کردیا ، اضافہ شدہ کرایہ یکم جولائی 2022 سے نافذ العمل ہوگا۔
تفصیلات کے مطابق پاکستان سے بیرون ملک سفر کرنے والے مسافروں کے لئے اہم خبر آگئی ، بین لاقوامی پروازوں میں بزنس اورفرسٹ کلاس کے کرایوں میں سپر ٹیکس لاگو کردیا گیا۔
سپرٹیکس کے نفاذ کے بعد ایئرلائن کرایوں میں اضافہ ہوگیا ہے، فیڈرل ایکسائز ڈیوٹی کی مد میں اضافے کی مالیت 10 تا 50 ہزار روپے ہے۔
اضافہ شدہ کرایہ یکم جولائی 2022 سے نافذالعمل قرار دیا گیا ہے ، پہلے سے یکم جولائی یا بعد کے بک ٹکٹوں پر اضافی رقم چیک ان ٹائم پر وصول کی جائے گی۔
یاد رہے وزیر اعظم شہباز شریف نے ملک کی معاشی مشکلات سے نمٹنے کے لیے ملک میں بڑے پیمانے پر صنعت کاروں اور صنعتوں پر 10 فیصد سپر ٹیکس عائد کرنے اعلان کیا تھا۔
وزیراعظم کا کہنا تھا کہ سٹیل، سیمنٹ، چینی، تیل و گیس، کھاد، توانائی اور ٹرمینل اور ٹیکسٹائل سے متعلق صنعتوں کو 10 فیصد ٹیکس کا سامنا کرنا پڑے گا۔
