سابق وزیر اعلیٰ پنجاب عثمان بزدار نے حمزہ شہباز کی جانب سے 100 یونٹ تک بجلی استعمال کرنے والوں کو مفت بجلی فراہمی کے اعلان کو جھوٹا وعدہ قرار دیدیا۔
سابق وزیر اعلیٰ پنجاب اور پی ٹی آئی رہنما عثمان بزدار نے سماجی رابطوں کی ویب سائٹ ٹوئٹر پر موجودہ وزیراعلیٰ کو کڑی تنقید کا نشانہ بنایا ہے اور کہا کہ آج صرف ضمنی الیکشن تک نگرانی کیلیے رکھے گئے جعلی وزیراعلیٰ نے کچھ گھرانوں کو فری بجلی دینے کا جھوٹا وعدہ کیا، جعلی وزیراعلیٰ بتائیں یہ کیاعوام کو بیوقوف سمجھتےہیں؟ اور یہ کس قانون کے تحت پیکج دے سکتا ہے؟
عثمان بزدار نے اپنے ٹوئٹ میں لکھا کہ سابق وزیراعظم نے ہر شہری کے لیے بجلی فی یونٹ 5 روپے سستی کی تھی، امپورٹڈ حکومت نے اقتدار میں آکر وہی بجلی 24 روپے فی یونٹ مہنگی کردی۔
سابق وزیراعلیٰ پنجاب نے حمزہ شہباز کی جانب سے 100 یونٹ تک بجلی استعمال کرنے والوں کو مفت بجلی دینے کے اعلان کو جھوٹا وعدہ قرار دیا ہے۔
#امپورٹڈ_حکومت_نامنظور https://t.co/Ywj9fM16Be
— Usman Buzdar (@UsmanAKBuzdar) July 4, 2022
