ریاض: مناسک حج کا آغاز آج سے ہوگیا۔
تفصیلات کے مطابق مناسک حج کا آغاز آج سے ہوگیا، کرونا وبا کے بعد پہلی بار 10 لاکھ عازمین حج کی سعادت حاصل کر رہے ہیں۔
غلاف کعبہ یکم محرم کو تبدیل کیا جائے گا، سعودی وزارت حج و عمرہ نے بتایا ہے کہ اس سال میدان عرفات مسجد نمرہ سے حج کا خطبہ حج الشیخ ڈاکٹر محمد بن عبدالکریم العیسیٰ دیں گے۔
سعودی عرب کی سرکاری نیوز ایجنسی ایس پی اے کے مطابق مکہ مکرمہ میں مسجد الحرام کے اندر وبائی امراض کے پیش نظر جدید سہولیات فراہم کی گئی ہیں، اور 11 اسمارٹ روبوٹ سینیٹائزنگ کا کام کر رہے ہیں۔
The biggest hajj pilgrimage kicks off since the coronavirus pandemic began.
Hundreds of thousands of mostly maskless worshippers set to circle Islam’s holiest site in Saudi Arabia’s Meccahttps://t.co/EpGnXqPlyU pic.twitter.com/MpzCBWIgLn
— AFP News Agency (@AFP) July 6, 2022
ان جدید روبوٹس کے اندر بیک وقت لوکلائزیشن اور میپنگ ٹیکنالوجی کا استعمال کیا گیا ہے، جس میں اعلیٰ کارکردگی والے ایٹمائزیشن یونٹ اور بیٹری چارجنگ کی سہولت اور خصوصیت موجود ہے۔
سعودی حکام نے حجاج کو ہنگامی صحت کی سہولت فراہم کرنے کے لیے ہیلی کاپٹر بھی مشاعر مقدسہ پہنچا دیے ہیں، اور وہاں فیلڈ اور پہلے سے موجود اسپتال نیز امدادی صحت مراکز کو چوکس کر دیا گیا ہے۔
وزارت دفاع نے جدہ اور طائف کے اسپتالوں میں بھی حجاج کو ہنگامی صحت خدمات فراہم کرنے کے لیے ہیلی کاپٹروں کا انتظام کیا ہے، جو چوبیس گھنٹے سروس میں ہوں گے۔
