کراچی: صوبہ سندھ کے دارالحکومت کراچی میں بارش میں پھنسے شہریوں کی مدد کے لیے نمبر جاری کردیا گیا، راستے میں گاڑی یا موٹر سائیکل کا ٹائر پنکچر ہونے، خراب ہونے یا پیٹرول ختم ہونے کی صورت میں ٹریفک پولیس مدد کرے گی۔
تفصیلات کے مطابق شہر قائد میں موسلا دھار بارش کے پیش نظر ٹریفک پولیس نے احسن قدم اٹھایا ہے۔
ٹریفک پولیس کی جانب سے اعلان کیا گیا ہے کہ بیچ راستے میں اگر گاڑی یا موٹر سائیکل کا پیٹرول ختم ہوجائے تو 1915 پر کال کریں، گاڑی یا موٹر سائیکل میں پیٹرول ڈالوا دیا جائے گا۔
- Advertisement -
گاڑی یا موٹر سائیکل خراب یا پنکچر ہونے کی صورت میں 1915 پر کال کرنے کا کہا گیا ہے، ٹریفک پولیس کا کہنا ہے کہ خراب موٹر سائیکل یا گاڑی مکینک تک پہنچائی جائے گی۔
ٹریفک پولیس کے مطابق گاڑی یا موٹر سائیکل کا پنکچر ٹائر تبدیل کرنے میں بھی مدد کی جائے گی۔
