اسلام آباد: چیئرمین پی ٹی آئی عمران خان نے خبردار کیا ہے کہ آج قوم فسطائیت کے خلاف کھڑی نہ ہوئی تو جمہوریت اور ملکی آزادی کا خاتمہ ہوجائے گا۔
سماجی رابطے کی ویب سائٹ ٹوئٹر پر جاری بیان میں چیئرمین پی ٹی آئی کہا کہ تنقید کرنے والوں کو ڈرایا دھمکایا اور خاموش کرایاجارہا ہے، قوم سے اپیل کرتا ہوں کہ عمران ریاض کی گرفتاری اور ایاز امیرسمیت صحافیوں کو نشانہ بنانےکےخلاف باہر نکلیں۔
Unless we all unite and stand up against this fascism it will be the end of democracy and freedom in Pakistan.
— Imran Khan (@ImranKhanPTI) July 6, 2022
عمران خان نے کہا کہ جب تک ہم سب متحد ہوکر اس فسطائیت کیخلاف کھڑے نہیں ہوتے پاکستان میں آزادئ و جمہوریت کا سورج مکمل طور پر غروب ہو جائے گا۔
واضح رہے کہ تحریک انصاف نے صحافی عمران ریاض خان کی گرفتاری کے خلاف ملک بھر میں احتجاج کا اعلان کررکھا ہے۔
اسد عمر نے کہا کہ تحریک انصاف کے ورکرز آج پریس کلب کے باہر احتجاج کریں گے عمران ریاض کی گرفتاری، آزادی اظہار رائے کو دبانے کیخلاف احتجاج کیا جائے گا۔
شہباز گل کا کہنا تھا کہ آج ملک بھرمیں احتجاج ہوگااحتجاج کی کال دےچکے ہیں،ان کا کہنا تھا کہ جوکچھ ہورہا ہےایسا مشرف دور میں بھی نہیں ہوا صحافیوں کو دبانے کی ہرکوشش ناکام بنائیں گے، لوگوں کوجتنا دبائیں گے اوراونچی آواز سے سامنے آئیں گے۔
