ٹوکیو : جاپانی سائنسدانوں نے حیرت انگیز طور پر منجمد خشک خلیوں کا استعمال کرتے ہوئے کلون شدہ چوہوں کو تیار کیا ہے۔
یہ نمونے عام طور پر مائع نائٹروجن کا استعمال کرتے ہوئے انتہائی کم درجہ حرارت پر رکھے جاتے ہیں، کلون شدہ چوہوں کے مقابلے میں قدرتی طور پر پیدا ہونے والے چوہوں نے زیادہ تعداد میں بچوں کو جنم دیا۔
اقوام متحدہ نے خبردار کیا ہے کہ دنیا بھر میں معدومیت میں تیزی آرہی ہے اور موسمیاتی تبدیلی اور انسانی اثرات کی وجہ سے کم از کم دس لاکھ انواع ختم ہوسکتی ہیں۔
اس تناظر کے پیش نظر مستقبل میں ان کو معدومیت سے بچانے کیلئے کلوننگ کے ذریعے ان کی حفاظت کی جائے گی اور خطرے سے دوچار ان جانوروں کی نسلوں کو محفوظ کرنے کے لیے عالمی سطح پر کوششیں کی جارہی ہیں۔
غیر ملکی خبر رساں ادارے کی رپورٹ کے مطابق سائنس دانوں نے منجمد خشک جلد کے خلیات سے چوہوں کا کلون بنانے کا طریقہ دریافت کیا جس سے دنیا کو خطرے سے دوچار جانوروں کی آبادی کو بحال کرنے میں مدد کے لیے ایک نیا آپشن پیش کیا گیا ہے۔
جاپان کی یاماناشی یونیورسٹی کے محققین کی جانب سے کیے جانے والے تجربے میں چوہے کی دم سے جلد کے خلیات حاصل کرکے اس کو منجمد کرکے خشک کیا گیا جسے نو ماہ تک محفوظ کیا گیا تھا۔
انہوں نے دو قسم کے چوہوں کے خلیات کا تجربہ کیا جس سے یہ معلوم ہوا کہ منجمد خلیہ خشک کرنے سے وہ ہلاک ہوجاتے ہیں اور ڈی این اے کو خاصا نقصان پہنچتا ہے۔
سائنسدانوں نے اسٹیم سیل لائنیں نکالیں جن کا استعمال وہ 75 کلون شدہ چوہوں کو بنانے کے لیے کرتے تھے، ان چوہوں میں سے پہلا ایک سال اور دسرا چوہا نو ماہ تک زندہ رہا۔ پہلے کلون شدہ چوہے کا نام ڈوریمون کے نام پر رکھا گیا تھا۔
پہلا کلون شدہ چوہا جس کا نام ڈوریمون ہے (بچوں کے مشہور کارٹون شو ڈوریمون کے نام پر رکھا گیا ہے) اس کے بعد 74 مزید چوہے پیدا ہوئے۔
اس بات کا تعین کرنے کے لیے کہ آیا کلون شدہ چوہوں میں بچے پیدا کرنے کی کتنی صلاحیت ہے، نو مادہ اور تین نرعام چوہوں کے ساتھ پالے گئے تھے۔
