قومی ٹیم کے نوجوان فاسٹ بولر شاہنواز دہانی نے بھارتی ٹیم کے سابق کپتان مہندر سنگھ دھونی کو سالگرہ کی مبارک باد دی۔
قومی ٹیم کے فاسٹ بولر شاہنواز دھانی نے بھارت کے سابق کپتان مہندرا سنگھ دھونی کو سالگرہ کی مبارکباد دیتے ہوئے ان سے ایک درخواست بھی کی ہے۔
ٹوئٹر پر دھانی نے ایم ایس دھونی کے ہمراہ تصویر شیئر کرتے دھونی کے نام پیغام لکھا جس میں درج تھا کہ ہر دور کے ایک عظیم تفریح مہیا کرنے والے اور فنشر کو سالگرہ مبارک ہو۔
دھانی نے اپنی ٹوئٹ میں مزید لکھا کہ سر ایم ایس دھونی، سالگرہ مبارک، آپ میرے لیے رول ماڈل اور انسپائریشن ہیں۔
فاسٹ بولر نے مزید لکھا کہ آپ کرکٹ کھیلنے کے لیے ابھی بھی جوان اور فٹ ہیں، برائے مہربانی ہم سب کو مزید چند برس تفریح مہیا کرتے رہیں۔
To one of the all times great entertainer & finisher, an inspiration and role model, I wish you a happy birthday sir @msdhoni. And sir You are still young & fit enough to play cricket, so please keep entertaining us for atleast few more years❤️🎂. pic.twitter.com/z7ByQtCJwc
— Shahnawaz Dahani (@ShahnawazDahani) July 7, 2022
واضح رہے کہ اس سے قبل ٹی 20 ورلڈ کپ کے دوران شاہنواز دہانی نے دھونی کے ساتھ تصاویر بنوائی تھیں جو سوشل میڈیا پر وائرل ہوگئی تھیں۔
دہانی نے ناصرف دھونی بلکہ دیگر ٹیموں کے کھلاڑیوں کے ساتھ بھی تصاویر بنوائی تھیں جس کے بعد انہیں سوشل میڈیا صارفین وزیر خارجہ کہہ کر مخاطب کرنے لگے تھے۔
