دورہ سری لنکا پر جانے والے قومی کرکٹ ٹیم کے کھلاڑی عیدالاضحیٰ مذہبی جوش و جذبے سے منا رہے ہیں انہوں نے کولمبو میں نماز عید ادا کی۔
اس موقع پر تمام کھلاڑیوں نے پرجوش طریقے سے ایک دوسرے کو گلے لگا کر عید کی مبارکباد دی، کھلاڑی و کوچنگ اسٹاف ایک دوسرے سے بغل گیر ہوئے۔
کھلاڑیوں عید کی مصروفیات کی ویڈیو پاکستان کرکٹ بورڈ کے آفیشل ٹوئٹر اکاؤنٹ پر بھی شیئر کی گئی ہے، جسے کرکٹ شائقین نے بے حد سراہا۔
ذرائع کے مطابق پاکستان ٹیم آج پریکٹس سیشن کا باقاعدہ آغاز کرے گی، یاد رہے کہ گذشتہ روز سری لنکا میں جاری مظاہروں اور کشدگی کے باعث پاکستان ٹیم کا پریکٹس سیشن منسوخ کردیا گیا تھا۔
Eid Mubarak from Colombo 🤗🫂
The players offer Eid-ul-Azha prayers at the team hotel.#EidAlAdha pic.twitter.com/03dzJD86kM
— Pakistan Cricket (@TheRealPCB) July 10, 2022
واضح رہے کہ پاکستان اور سری لنکا کے درمیان دو ٹیسٹ میچز پر مشتمل سیریز کھیلی جائے گی۔ پہلا ٹیسٹ 16جولائی سے گال میں شروع ہوگا۔
یاد رہے کہ پاکستان کرکٹ ٹیم کو دورہ سری لنکا کے آغاز پر مشکلات کا سامنا کرنا پڑا، کرکٹ ٹیم کے سپورٹ اسٹاف ممبر کورونا کا شکار ہوگئے تھے جنہیں آئسولیٹ کردیا گیا۔
اس سے قبل سری لنکا کرکٹ ٹیم کے تین اہم کھلاڑی کرونا وائرس کا شکار ہوئے تھے، کرونا ٹیسٹ مثبت آنے کے بعد تینوں کھلاڑیوں کو گال میں شروع ہونے والے دوسرے ٹیسٹ سے باہر کردیا گیا تھا۔
