لاہور: سابق وزیراطلاعات اور رہنما پی ٹی آئی فواد چوہدری نے رانا ثنااللہ کو کھلا چیلنج دے دیا۔
تفصیلات کے مطابق سماجی رابطے کی سائٹ ٹوئٹر پر جاری بیان میں فواد چوہدری نے رانا ثنااللہ کو مخاطب کرتے ہوئے کہا کہ رانا ثنااللہ آج آپ کی نام نہاد کابینہ کا اجلاس ہے بالکل آرٹیکل چھ سے پیچھے نہیں ہٹنا آپ نے جسٹس مندوخیل کی خواہش کےمطابق پی ٹی آئی قیادت پر آرٹیکل6 لگاناہے۔
فواد چوہدری نے کہا کہ جج صاحب کو ہی اس خصوصی عدالت کی سربراہی دیں وہ پہلے کیس میں مشرف صاحب پر غداری کا شوق پورا نہیں سکےتشنگی نہ رہے یہ شوق پورا کر لیں۔
رانا ثنااللہ آج آپ کی نام نہاد کابینہ کا اجلاس ہے بالکل آرٹیکل 6سے پیچھے نہیں ہٹنا آپ نے جسٹس مندوخیل کی خواہش کےمطابق PTI قیادت پرآرٹیکل6 لگاناہےاورجج صاحب کو ہی اس خصوصی عدالت کی سربراھی دیں وہ پہلے کیس میں مشرف صاحب پر غداری کا شوق پورا نہیں سکےتشنگی نہ رہے یہ شوق پورا کر لیں
— Ch Fawad Hussain (@fawadchaudhry) July 15, 2022
دوسری جانب وفاقی وزیر داخلہ رانا ثنااللہ کی زیر صدارت اجلاس میں سوشل میڈیا پر غیر اخلاقی مواد کی تشہیر، شہریوں کی ہراسگی اور کردار کشی کی ذریعے ساکھ خراب کرنے والوں کے خلاف کریک ڈاؤن کا فیصلہ کیا گیا ہے۔
یہ بھی پڑھیں: سوشل میڈیا پر شہریوں کی کردار کشی کرنے والوں کے خلاف گھیرا تنگ
اجلاس میں سائبر کرائم میں ملوث افراد کے خلاف سخت اور فوری ایکشن کے لیے ہدایات جاری کردی گئیں، سائبر کرائم اور سوشل میڈیا پر توہین آمیز مواد سے متعلق قوانین کو مؤثر بنانے کا فیصلہ کیا گیا۔
وزیر داخلہ رانا ثنا اللہ کا کہنا تھا کہ سوشل میڈیا پر توہین آمیز مواد اور شہریوں کی کردار کشی قابل قبول نہیں، غیر اخلاقی اور توہین آمیز مواد کی موجودگی سے انارکی کا اندیشہ ہے، ایسے جرائم میں ملوث افراد کے خلاف سخت ایکشن لیا جائے گا۔
