کینبرا: ویسٹ انڈیز کے سابق کپتان دنیش رام دین نے انٹرنیشنل کرکٹ سے ریٹائرمنٹ کا اعلان کردیا۔
غیر ملکی میڈیا رپورٹ کے مطابق دنیش رام دین نے انسٹاگرام پر اسٹوری شیئر کرتے ہوئے کہا بڑے اعزاز کے ساتھ میں بین الاقوامی کرکٹ سے ریٹائرمنٹ کا اعلان کرتا ہوں۔
سابق ویسٹ انڈیز کپتان نے لکھا کہ گزشتہ چودہ سال میں میرے سارے خواب پورے ہوئے، میں نے ٹرینیڈاڈ اور ٹوباگو اور ویسٹ انڈیز کے لیے کرکٹ کھیل کر اپنے بچپن کے ارمان پورے کئے۔
انہوں نے کہا کہ میرے کیریئر نے مجھے دنیا کو دیکھنے، مختلف ثقافتوں سے دوست بنانے اور اب بھی اس قابل ہونے کا موقع فراہم کیا کہ میں کہاں سے آیا ہوں؟
یہ بھی پڑھیں:ورلڈکپ 2019 کے ہیرو نے ریٹائرمنٹ کا اعلان کر دیا
دنیش رامدین، جنہوں نے 74 ٹیسٹ، 139 ون ڈے اور 71 ٹی 20 میں ویسٹ انڈیز کی نمائندگی کی، 2005 میں کولمبو میں سری لنکا کے خلاف ریڈ بال سے ڈیبیو کیا۔
وہ 2012 اور 2016 میں ٹی ٹوئنٹی ورلڈ کپ جیتنے والے ویسٹ انڈیز اسکواڈ کا حصہ تھے، رامدین پاکستان سپر لیگ کے سیزن ٹو اور تھری میں ملتان سلطانز کی نمائندگی بھی کر چکے ہیں۔
دنیش رامدین بین الاقوامی کرکٹ سے ریٹائرمنٹ کے بعد رامدین فرنچائز کرکٹ میں کھیلتے رہیں گے۔
