بھارت میں ٹول پلازہ پر ایمبولینس خوفناک حادثے کا شکار ہوکر الٹ گئی جس کے نتیجے میں 4 افراد ہلاک ہوگئے۔
بھارتی میڈیا رپورٹس کے مطابق ریاست کرناٹک میں ایمبولینس کو ٹول پلازہ پرخوفناک حادثہ پیش آیا جس کی سی سی ٹی وی فوٹیج سامنے آگئی۔
خوفناک حادثے کے نتیجے میں مریض سمیت 4 افراد زندگی کی بازی ہار گئے۔
رپورٹ کے مطابق ضلع اودوبی میں ایمبولیس بے قابو ہوکر ٹول پلازہ پر بنے بوتھ سے ٹکرا گئی، ایمبولینس میں مریض اور دو تیمار دار موجود تھے۔
ویڈیو میں ٹول پلازہ کے سیکیورٹی گارڈز اور ملازمین کو رکاوٹیں ہٹاتے دیکھا جاسکتا ہے لیکن ایمبولینس کی رفتار اتنی تیز تھی کہ ڈرائیور کے قابو سے باہر ہوکر بوتھ سے ٹکرا گئی۔
Video: Speeding ambulance skids on wet road, rams into Karnataka toll booth
Read here: https://t.co/aAEVh0fqBQ pic.twitter.com/koInSWJdiK
— The Indian Express (@IndianExpress) July 20, 2022
پولیس کے مطابق تیز رفتاری سے ٹول بوتھ سے ٹکرانے کے باعث ایمبولینس مکمل طور پر تباہ ہو گئی۔
پولیس کا کہنا ہے کہ حادثے میں مریض، دونوں تیمادار اور ٹول پلازہ کا ایک ملازم ہلاک ہوا جبکہ ایمبولینس ڈرائیور زخمی ہوا۔
پولیس کے مطابق حادثے میں ہلاک ہونے والے افراد کی شناخت منجو ناتھ مادیو، لوکیش نائکا، جیوتی نائکا اور گنجانا لکشمن نائکا کے طور پر ہوئی ہے۔
