لاہور : حمزہ شہباز نے وزیراعلیٰ پنجاب کے انتخاب میں حمایت پر آصف زرداری اور چوہدری شجاعت کا شکریہ ادا کیا۔
تفصیلات کے مطابق حمزہ شہباز نے وزیراعلیٰ پنجاب کا حلف اٹھانے کے بعد سماجی رابطے کی ویب سائٹ ٹوئٹر پر اپنے پیغام میں کہا کہ اللہ تعالیٰ کا شکر جس نے ایک مرتبہ پھر ہمیں کامیاب کیا ، ن لیگ، اتحادی جماعتوں کے اراکین،آصف زرداری اورچوہدری شجاعت کا شکریہ ادا کرتا ہوں جہنوں نے ملک میں جمہوریت کی مضبوطی کے لیے کلیدی کردار ادا کیا۔
حمزہ شہباز کا کہنا تھا کہ ہم مخلوق خدا کی خدمت کا مشن جاری رکھیں گے۔
اللہ تعالی کا شکر جس نے ایک مرتبہ پھر ہمیں کامیاب کیا۔ مسلم لیگ ن، اتحادی جماعتوں کے اراکین سمیت آصف زرداری اور چودھری شجاعت حسین صاحب کا بھی شکریہ جنہوں نے ملک میں جمہوریت کی مضبوطی کے لئے اپنا کلیدی کردار ادا کیا ہے۔ انشاللہ ہم مخلوق خدا کی خدمت کا مشن جاری رکھیں گے۔
— Hamza Shahbaz Sharif (@HamzaSS) July 23, 2022
یاد رہے آج صبح نو منتخب وزیر اعلیٰ پنجاب حمزہ شہباز نے اپنے عہدے کا حلف اٹھایا، گورنر پنجاب بلیغ الرحمٰن نے وزیر اعلیٰ سے حلف لیا۔
گزشتہ روز پنجاب اسمبلی میں وزیر اعلیٰ کے انتخاب کے لیے ووٹنگ ہوئی تھی، ووٹنگ کے بعد ڈپٹی اسپیکر دوست محمد مزاری نے چوہدری شجاعت کے خط کو جواز بنا کر مسلم لیگ ق کے 10 ووٹ مسترد کرتے ہوئے حمزہ شہباز کو وزیر اعلیٰ پنجاب برقرار رکھنے کا اعلان کیا تھا۔
