کرونا وائرس: 24 گھنٹوں میں 500 سے زائد نئے کیسز

اسلام آباد: ملک بھر میں کرونا وائرس کے کیسز میں ایک بار پھر اضافہ دیکھا جارہا ہے، گزشتہ 24 گھنٹوں کے دوران کرونا وائرس کے نئے کیسز کی تعداد 500 سے زائد رہی۔

تفصیلات کے مطابق نیشنل انسٹی ٹیوٹ آف ہیلتھ کا کہنا ہے کہ گزشتہ 24 گھنٹوں کے دوران کرونا وائرس سے 3 افراد جاں بحق ہوئے، ملک میں اب تک کرونا وائرس سے جاں بحق افراد کی تعداد 30 ہزار 467 ہوچکی ہے۔

ملک بھر میں کرونا وائرس کے مزید 532 نئے کیسز رپورٹ ہوئے جس کے بعد ملک میں مجموعی کیسز کی تعداد 15 لاکھ 50 ہزار 298 ہوچکی ہے۔

گزشتہ 24 گھنٹوں کے دوران ملک بھر میں 19 ہزار 402 ٹیسٹ کیے گئے، مثبت کیسز کی شرح 2.47 فیصد ہوچکی ہے۔

این آئی ایچ کا کہنا ہے کہ کرونا وائرس کے 179 مریضوں کی حالت تشویش ناک ہے، صحت یاب ہونے والوں کی تعداد 15 لاکھ 12 ہزار 559 ہوچکی ہے۔

Comments