ماسکو: روس میں بچے اور روبوٹ کے درمیان شطرنج کے مقابلے میں روبوٹ نے مدمقابل بچے کی انگلی پکڑ کر توڑ دی، بچے کو فوری طور پر روبوٹ کی گرفت سے چھڑایا گیا تاہم اس کی انگلی فریکچر ہوگئی۔
روسی میڈیا کے مطابق مذکورہ واقعہ گزشتہ ہفتے پیش آیا جب ماسکو اوپن کے ایک میچ کے دوران شطرنج کھیلنے والے روبوٹ نے سات سالہ بچے کی انگلی پکڑ کر توڑ دی۔
مقامی ٹی وی چینلز پر نشر ہونے والی ویڈیو میں دیکھا جاسکتا ہے کہ بچے کی انگلی کو روبوٹک بازو نے کئی سیکنڈ تک پکڑے رکھا اور بچہ بظاہر تکلیف میں ہے، جس کے بعد ایک خاتون اور 3 مرد اس بچے کو روبوٹ کی گرفت سے چھڑانے کے لیے آتے ہیں۔
All acquisition that advanced AI will destroy humanity is false. Not the powerful AI or breaching laws of robotics will destroy humanity, but engineers with both left hands :/
On video – a chess robot breaks a kid’s finger at Moscow Chess Open today. pic.twitter.com/bIGIbHztar
— Pavel Osadchuk 👨💻💤 (@xakpc) July 21, 2022
انہوں نے بچے کی انگلی روبوٹ سے چھڑوا لی لیکن اسے فریکچر سے نہیں بچایا جا سکا۔
روسی شطرنج فیڈریشن کے نائب صدر سرگئے سمگین کا کہنا ہے کہ روبوٹ کھیل میں لڑکے سے بازی لے جانے والا تھا تاہم بچے نے روبوٹ کی چال چلنے کا انتظار کرنے کے بجائے فوراً چال چل دی۔
انہوں نے کہا کہ کچھ حفاظتی اصول ہیں اور بچے نے بظاہر ان کی خلاف ورزی کی ہے، جب اس نے اپنی چال چلی تو اسے احساس نہیں تھا کہ اسے پہلے انتظار کرنا پڑے گا۔
فیڈریشن صدر کے مطابق بچے نے تیزی سے حرکت کی، جس کی وجہ سے روبوٹ نے اسے پکڑ لیا۔ روبوٹ کے سپلائرز کو اب اس حوالے سے دوبارہ سوچنا پڑے گا۔
رپورٹ میں بچے کی شناخت کرسٹوفر کے نام سے کی گئی ہے، جو روسی دارالحکومت میں انڈر 19 کیٹیگری میں شطرنج کے 30 بہترین کھلاڑیوں میں سے ایک ہے۔
بچے کو فوری طور پر اسپتال لے جایا گیا جہاں اس کی انگلی پر پلستر چڑھایا گیا۔ روبوٹ بنانے والے ادارے نے واقعے کی تحقیقات شروع کردی ہے۔
