اسلام کی خاطر شوبز کی دنیا کو خیرباد کہنے والی ثنا خان نے انڈسٹری کو چھوڑنے کی اصل وجہ بتا دی ہے جسے سن کر ہر کوئی حیران رہ گیا۔
سعودی عرب میں حج کے دوران غیر ملکی میڈیا کو انٹرویو دیتے ہوئے سابق اداکارہ ثنا خان نے کہا: ’ٹی وی اور فلموں میں کامیابی کے باوجود ذہنی دباؤ کا شکار رہتی تھی۔ اس کے بعد میں نے حجاب پہننے کا ارادہ کیا‘۔
ثنا خان نے کہا: ’پیسہ، نام اور شہرت کے باوجود دل کو سکون نہیں ملتا تھا، میں خوش نہیں رہتی تھی، پھر رمضان میں ایک دن خواب دیکھا جہاں ایک قبر میں آگ جل رہی تھی اور میں اس کے اندر تھی‘۔
View this post on Instagram
سابق اداکارہ نے کہا کہ اللہ مجھے دکھا رہا تھا کہ اگر میں نے اپنی زندگی تبدیل نہیں کی تو میرا یہی انجام ہوگا، اس کے بعد میں نے اسلامی اسکالرز کو سننا شروع کیا اور ایک دن پڑھا کہ ’آپ نہیں چاہتیں کہ آپ کا آخری دن، حجاب پہننے کا پہلا دن ہو‘۔
ان کا کہنا تھا: ’اس بات نے مجھے کافی متاثر کیا اور اس کے بعد میں نے پوری زندگی حجاب پہننے کا ارادہ کیا، میں نے اپنی سالگرہ والے دن حجاب خریدا اور ارادہ باندھا کے اب اس کو کبھی نہیں اتاروں گی‘۔
View this post on Instagram
خیال رہے کہ ثنا خان نے 2020 میں اداکاری کو خیرباد کہہ دیا تھا۔ انہوں نے انسٹا گرام پر طویل نوٹ میں کہا تھا کہ اب میں اپنی زندگی انسانیت کی خدمت میں اور اللّہ تعالیٰ کے احکامات کے مطابق گزاروں گی۔
ثنا خان کا کہنا تھا کہ آج میں اپنی زندگی کے ایک اہم موڑ پر مداحوں سے یہ بات کر رہی ہوں کہ میں نے ایک طویل عرصہ شوبز انڈسٹری میں کام کیا اور اس دوران مجھے عزت، دولت، شہرت اور مداحوں کا بہت پیار بھی ملا۔
View this post on Instagram
