نئی دہلی : تہاڑ جیل میں بھوک ہڑتال پر کشمیری رہنما یاسین ملک کو طبیعت بگڑنے پر اسپتال منتقل کردیا گیا۔
تفصیلات کے مطابق نئی دہلی کی تہاڑ جیل میں بھوک ہڑتال پر یاسین ملک کی طبیعت بگڑ گئی، جس کے بعد انھیں اسپتال منتقل کردیا گیا۔
کشمیری رہنما کو انجیکشن اور ڈرپس کے ذریعے توانائی فراہم کرنے کی کوشش کی جا رہی ہے۔
تہاڑ جیل میں قید حریت رہنما یاسین ملک ربیعہ قتل کیس میں عدالت میں پیش نہ کیے جانے کے خلاف احتجاجا بھوک ہڑتال پر ہیں۔
یاسین مالک کا مطالبہ ہے کہ ربیعہ سعید قتل کیس کے مقدمے میں انھیں عدالت میں خود دلائل پیش کرنے کا موقع فراہم کیا جائے۔
واضح رہے پچیس مئی کویاسین ملک کو دو جھوٹے مقدمات میں دو بار عمر قید اور دس لاکھ جرمانے کی سزا سنائی گئی تھی۔
یاد رہے چیئرمین تحریک انصاف عمران خان نے جیل میں قید یاسین ملک سے ناروا سلوک کی شدید مذمت کرتے ہوئے بھارت کیخلاف کارروائی کا مطالبہ کیا تھا۔
عمران خان کا کہنا تھا کہ بین الاقوامی تنظیموں سے مطالبہ کرتاہوں یاسین ملک کی جان بچائیں۔
