قسمت مہربان ہو تو انسان کو ایک نہ ایک دن مالا مال کر ہی دیتی ہے، ایسا ہی ایک واقعہ بھارتی شہری کے ساتھ پیش آیا جو چند لمحوں میں کروڑ پتی بن گیا۔
بھارتی کی رپورٹ کے مطابق کیرالہ کے رہائشی مسلمان نے 50روپے والی ایک لاٹری خریدی، جس سے اس کی قسمت بدل گئی اور وہ کروڑ روپے کا مالک بن گیا۔
کیرالا کے رہائشی محمد الیاس جو ایک رئیل اسٹیٹ بروکر کے طور پر کام کرتے ہیں، قرض کی ادائیگی کے لیے وہ اپنا مکان فروخت کرنے ہی والے تھے کہ قدرت ان پر مہربان ہوگئی۔
محمد الیاس عرف باوا اپنے مکان کی فروخت کیلئے ایک خریدار سے ایڈوانس ٹوکن لینے والے تھے، اس سے قبل انہوں نے کیرالا اسٹیٹ لاٹری ٹکٹ خریدا، جس کا پہلا انعام ایک کروڑ روپے تھا۔
الیاس باوا نے قرعہ اندازی سے تقریباً آدھا گھنٹہ پہلے یہ ٹکٹ خریدا، تقریباً ایک گھنٹے کے اندر اندر انہیں لاٹری بیچنے والے شخص کا فون آیا جس نے بتایا کہ انہوں نے لاٹری میں پہلا انعام جیت لیا ہے۔
خبر سن کر ان کو اپنے کانوں پر یقین نہیں آیا کیونکہ ان کی پریشانی ایک دم ختم ہوگئی جس کی وجہ سے وہ بینک کے قرض کے ادائیگی کے لیے اپنا گھر تک فروخت کرنے والے تھے۔
