عمران خان نے پنجاب میں 18 رکنی کابینہ کی منظوری دے دی

اسلام آباد:چیئرمین پاکستان تحریک انصاف (پی ٹی آئی) عمران خان نے 18 رکنی پنجاب کابینہ کی منظوری دیدی۔

اے آر وائی نیوز کے مطابق عمران خان نے 18 رکنی پنجاب کی ورکنگ کابینہ کی منظوری دیدی ہے، 18 رکنی کابینہ میں صرف تحریک انصاف کے ارکان اسمبلی شامل ہیں جب کہ ابتدائی طور پر (ق) لیگ کا کوئی رکن شامل نہیں کیا گیا ہے۔

ذرائع کا کہنا ہے کہ پہلے مرحلے میں مختصر پنجاب کابینہ کے اراکین حلف اٹھائیں گے، جن میں یاسمین راشد، محمود الرشید، ڈاکٹر مراد راس، ہاشم جواں بخت، راجہ بشارت، میاں اسلم اقبال، راجہ یاسر ہمایوں، علی افضل ساہی، ہاشم ڈوگر اور فیاض الحسن چوہان شامل ہیں۔

ذرائع کا کہنا ہے کہ صوبائی کابینہ کی جانب سے جلد حلف اٹھائےجانے کا امکان ہے۔

Comments