اسلام آباد : تحریک انصاف نے چیف الیکشن کمشنر سکندر سلطان راجہ کیخلاف ریفرنس سپریم جوڈیشل کونسل کو بھجوا دیا۔
تفصیلات کے مطابق تحریک انصاف نے چیف الیکشن کمشنر سکندر سلطان راجہ کے خلاف سپریم جوڈیشل جوڈیشل کمیشن کو ریفرنس بھجوا دیا۔
ریفرنس میں موقف اختیار کیا گیا ہے کہ چیف الیکشن کمشنر جان بوجھ کر بدانتظامی کر رہے ہیں اور اپنی آئینی ذمہ داریاں احسن طریقے سے ادا نہیں کر رہے اس لیے انہیں ان کے عہدے سے ہٹایا جائے۔
ریفرنس میں حکمراں اتحاد کی چیف الیکشن کمشنر سے ملاقات کا بھی ذکر کیا گیا ہے۔
ریفرنس میں کہا گیا ہے کہ گذشتہ ماہ پی ڈی ایم کے نمائندہ وفد نے چیف الیکشن کمشنر سے ملاقات کی تھی، جس میںچیف الیکشن کمشنر پرممنوعہ فنڈنگ کافیصلہ جلد سنانے کیلئےدباؤ ڈالا گیا اور ملاقات کے چند روز کے بعد ہی ممنوعہ فنڈنگ کا فیصلہ سنا دیا گیا۔
یاد رہے تحریک انصاف نے الیکشن کمیشن کی حکمران اتحاد سے ملاقات کے بعد چیف الیکشن کمشنر کیخلاف ریفرنس لانے کا اعلان کیا تھا۔
حوالے سے رہنما پی ٹی آئی نے کہا تھا کہ چیف الیکشن کمشنر نے حکمران اتحاد کے ارکان سے ملاقات کرکے عدلیہ کے کوڈ آف کنڈکٹ کی سنگین خلاف ورزی کی ہے، پینڈنگ کیس کے دوران ملاقاتیں نہیں کی جاسکتیں یہ اخلاقی اصول ہے۔
