حکومتِ پاکستان نے بھی دنیا بھر میں مشہور شارٹ ویڈیو شیئرنگ ایپ ٹک ٹاک پر اکاؤنٹ بنا لیا ہے۔
وزیر اعظم شہباز شریف کے ڈیجیٹل میڈیا کے فوکل پرسن ابوبکر عمر نے ٹوئٹر پر حکومت کے ٹک ٹاک اکاؤنٹ سے ایک ویڈیو کا لنک شیئر کیا۔ ویڈیو وزیر اعظم کے دورہ بلوچستان کی ہے۔
انہوں نے تصدیق کی کہ یہ حکومت کا آفیشل ٹک ٹاک اکاؤنٹ ہے۔ ساتھ ہی انہوں نے اکاؤنٹ کو فالو کرنے کی بھی درخواست کی۔
This is TikTok account of @GovtofPakistan 🇵🇰
Please follow & share it with others.
Thankshttps://t.co/yZSDMV7TAx
— Abubakar Umer (@abubakarumer) August 2, 2022
مذکورہ ٹک ٹاک اکاؤنٹ سے اب تک پانچ ویڈیوز شیئر کی گئی ہیں۔ اکاؤنٹ پر فالوورز کی تعداد 143 جبکہ جموعی لائکس 127 ہیں۔
ٹک ٹاک چینی ساختہ موبائل اپیلی کیشن ہے جو اب ویب ویژن میں بھی دستیاب ہے۔ اسے 2016 میں لانچ کیا گیا۔ ٹک ٹاک پاکستان میں سب سے زیادہ ڈاؤن لوڈ کی جانے والی تیسری ایپ ہے۔
