حکومت نے بجلی بلوں میں فکسڈ ٹیکس واپس لینے کی خبروں کی تردید کر دی۔
وزارت خزانہ کی جانب سے جاری بیان میں واضح کیا گیا ہے کہ حکومت نےبجلی بلوں پرٹیکس واپس لینے کا فیصلہ نہیں کیا۔
بیان کے مطابق ٹیکس واپس لینے سے متعلق خبروں میں کوئی صداقت نہیں ہے حکومت کی جانب سے ابھی تک کوئی فیصلہ نہیں کیاگیا۔
وزارت خزانہ کا کہنا ہے کہ تاجربرادری سے بجلی بلوں میں ٹیکس سےمتعلق بات چیت جاری ہے۔
ملک بھر کے کمرشل صارفین حال ہی میں نافذ کئے گئے سیلز ٹیکس کے خلاف احتجاج کررہے ہیں جو بجلی کے بل کے ذریعے ان سے وصول کیا جائے گا۔ ٹیکسوں کا حالیہ نفاذ حکومت پاکستان نے رواں مالی سال میں اپنی آمدن میں اضافے اور بڑھتے ہوئے کرنٹ اکاؤنٹ خسارے کو کم کرنے کے لیے کیا ہے۔
Comments
- Advertisement -