اسلام آباد: وزیر اعظم شہباز شریف اور صدر مملکت عارف علوی نے پاک فوج کے قافلے پر حملے کی شدید مذمت کی ہے۔
تفصیلات کے مطابق وزیر اعظم شہباز شریف نے شمالی وزیرستان میں فوجی جوانوں کے قافلے پر خود کش حملے کی مذمت کرتے ہوئے 4 جوانوں کی شہادت پر دلی دکھ اور رنج کا اظہار کیا۔
انھوں نے کہا اپنی جانوں کا نذرانہ پیش کرنے والے جوانوں کو قوم خراجِ عقیدت پیش کرتی ہے، دہشت گری کے خاتمے تک پوری قوم متحد ہو کر اس کا مقابلہ کرتی رہے گی، اور دہشت گردوں کے ناپاک عزائم کبھی کامیاب نہ ہو پائیں گے۔
نشریات کی بندش: اے آر وائی کی لائیو ٹرانسمیشن یہاں دیکھیں
صدر مملکت عارف علوی نے میر علی میں پاک فوج کے قافلے پر خود کش حملے کی مذمت کرتے ہوئے کہا ایسے بزدلانہ حملے دہشت گردی سے نجات دلانے کے عزم کو کمزور نہیں کر سکتے۔
میرعلی ،شمالی وزیرستان میں خودکش حملے میں 4 فوجی جوانوں کی شہادت پر مجھ سمیت پوری قوم دکھی اور رنجیدہ ہے۔ اللہ تعالی سے دعا ہے کہ وہ ان شہداء کی ملک کے دفاع اور امن کے لئے دی جانے والی قربانیوں کو قبول فرمائے اور ان کے پسماندگان کو صبر جمیل عطا کرے۔شہداء ہمارے سر کا تاج ہیں۔
— Shehbaz Sharif (@CMShehbaz) August 9, 2022
انھوں نے کہا بہادر جوانوں نے محرم میں مادر وطن کا دفاع کرتے ہوئے جانوں کا نذرانہ پیش کیا، ہم پاک فوج کے شہدا کو خراج عقیدت پیش کرتے ہیں۔
شمالی وزیرستان میں فوجی قافلے پر خود کش حملہ، 4 جوان شہید
یاد رہے کہ آئی ایس پی آر نے آج بیان جاری کرتے ہوئے کہا تھا کہ شمالی وزیرستان کے علاقے میر علی میں ایک خود کش حملے میں چار فوجی جواب شہید ہو گئے ہیں، شہدا میں لانس نائیک شاہ زیب، لانس نائیک سجاد، سپاہی عمیر، سپاہی خرم شامل ہیں۔
