سعودی عرب: شہابیوں کی برسات کا خوبصورت نظارہ کب ہوگا؟

سعودی عرب کے شہر طائف میں شہابیوں کی بارش کا موسم شروع ہو چکا ہے جسے دیکھنے کے لیے ملک بھر سے شائقین پہنچ رہے ہیں۔

فلکیاتی علوم کی کمیٹی نے شہابیوں کی بارش کا نظارہ کرنے کے لیے خصوصی اہتمام کیا ہے۔

کمیٹی کے سربراہ ڈاکٹر شرف السفیانی کا کہنا ہے کہ جمعرات اور جمعہ کی درمیانی شب شہابیوں کی بارش کے عروج کی رات ہے، طائف میں ہر سال 17 جولائی سے 24 اگست تک وقفے وقفے سے شہابیوں کی بارش ہوتی ہے۔

انہوں نے کہا کہ جمعرات کو رات 12 بجے سے 4 بجے فجر تک ایک گھنٹے کے دوران 150 شہابیے دیکھے جائیں گے۔

ڈاکٹر شرف نے مزید کہا کہ شہابیوں کی بارش کا نظارہ کرنے کے لیے دوربین کی ضرورت نہیں ہوگی۔

Comments