اشتہار

اراکین اسمبلی اور سینیٹرز سے گوشواروں کی تفصیلات طلب

اشتہار

حیرت انگیز

الیکشن کمیشن آف پاکستان نے قومی اور صوبائی اسمبلیوں کے اراکین، سینیٹرز سے گوشواروں کی تفصیلات مانگ لی ہیں۔

اے آر وائی نیوز کے مطابق الیکشن کمیشن آف پاکستان نے اراکین قومی وصوبائی اسمبلی اور سینیٹرز سے ان کے گوشواروں کی تفصیلات طلب کرلی ہیں۔ اس حوالے سے الیکشن کمیشن کی جانب سے ارسال کیے گئے مراسلے میں اراکین قومی اور صوبائی اسمبلی اور سینیٹرز سے کہا گیا ہے کہ وہ اپنی، اہلخانہ اور زیر کفالت افراد کے اثاثوں کی تفصیلات فراہم کریں۔

الیکشن کمیشن کے مراسلے میں تمام اراکین کو پابند کیا ہے کہ وہ رواں سال 31 دسمبر تک گوشواروں کی تفصیلات جمع کرادیں جب کہ واجبات کی تفصیلات بھی جمع کرائیں۔

- Advertisement -

الیکشن کمیشن کی جانب سے متنبہ کیا گیا ہے کہ 15 جنوری 2023 تک تفصیلات نہ دینے والے اراکین کی رکنیت معطل کر دی جائیگی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں