پاکستانی فلموں اور ڈراموں کی خوبرو اداکارہ نیلم منیر نے پاکستان کے 75ویں یومِ آزادی کے موقع کی مناسبت سے اپنی نئی تصاویر شیئر کر دیں۔
نیلم منیر نے اپنے آفیشل انسٹا گرام اکاؤنٹ سے اپنی چار عدد تصاویر پوسٹ کیں جن میں اداکارہ کو ہرے اور سفید رنگ کے خوبصورت لباس میں دیکھا جا سکتا ہے۔
انہوں نے فوٹوز کے کیپشن میں لکھا: ’پاکستان زندہ باد، آزادی پائندہ باد‘۔
View this post on Instagram
نیلم منیر کی جانب سے تصاویر چند گھٹنے قبل پوسٹ کی گئیں اور حسبِ معمول مداحوں کی بڑی تعداد نے نہ صرف انہیں پسند کیا بلکہ یومِ آزادی کی مبارکباد دی اور ان کے لباس کی تعریف بھی کی۔
نیلم منیر اے آر وائی ڈیجیٹل کے ڈرامہ سیریل ’پیار دیوانگی ہے‘ میں مرکزی کردار نبھا رہی ہیں۔ ڈرامے کی اب تک 12 اقساط نشر ہو چکی ہیں جنہیں ناظرین کی جانب سے کافی پسند کیا جا رہا ہے۔
وہ اس سے قبل بھی اے آر وائی ڈیجیٹل کے ڈراموں ’دل موم کا دیا‘ اور ’بکھرے موتی‘ میں مرکزی کردار ادا کر چکی ہیں۔
