لاہور : لاہور ہائی کورٹ نے یوم آزادی کے موقع پر باجوں پر پابندی عائد کرنے کی درخواست مسترد کر دی۔
تفصیلات کے مطابق لاہور ہائی کورٹ نے یوم آزادی پر باجوں پر پابندی عائد کرنے کے لئے درخواست کی سماعت کی۔
جسٹس شاہد وحید نےشہری منیب طارق کی درخواست پر سماعت کی، منیب طارق نامی شہری نے درخواست میں مؤقف اپنایا کہ یوم آزادی پر باجے شہریوں کو ذہنی اذیت میں مبتلا کرتے ہیں۔
درخواست میں استدعا کی گئی کہ عدالت یوم آزادی پرباجوں کی خرید و فروخت پر پابندی کا حکم دے۔
عدالت نے باجوں پر پابندی کی درخواست غیر موثر قرار دیتے ہوئے مسترد کرتے ہوئے کہا یوم آزادی کا دن گزرنے کی وجہ سے درخواست توغیرمؤثر ہوچکی ہے۔
واضح رہے کہ یوم آزادی پر خوشی کے اظہار کے لیے باجوں کا استعمال پاکستان بھر میں ایک روایت بن چکا ہے۔
اتوار کی رات کو پاکستان کے یوم آزادی کے آغاز کے بعد سے ہی لوگوں نے آتش بازی، قومی ترانوں اور ہمیشہ کی بلند آواز میں نعرے لگائے۔
