لندن: برطانیہ کے ایڈنبرگ چڑیا گھر میں موجود سب سے عمر رسیدہ مادہ پینگوئن کو لومڑی نے مار دیا ہے۔
برطانوی میڈیا کے مطابق ایڈنبرگ چڑیا گھر کی انتظامیہ کا کہنا ہے کہ لومڑی رات کے وقت پینگوئن انکلوژر میں گھس گئی اور وہاں موجود سب سے قدیم پینگوئن مسز وولووٹز پر حملہ کردیا، جس کے نتیجے اس کی موت ہوگئی ہے۔
انتظامیہ کا کہنا ہے کہ لومڑی کے حملے سے انگلوژر میں موجود دیگر پینگوئن خیریت سے ہیں۔
We know so many of you loved Mrs Wolowitz, our oldest penguin 🐧
Sadly, we lost her last night after a fox broke into our penguin enclosure. Thankfully, the rest of our colony are unharmed and are doing well.
Her massive personality will be missed 💛 pic.twitter.com/fGEu0QHzkE
— Edinburgh Zoo (@EdinburghZoo) August 11, 2022
چڑیا گھر کے سربراہ نے پینگوئن کی موت پر افسوس کا اظہار کرتے ہوئے کہا کہ ” مسز وولووٹز ایک بڑی شخصیت تھی، ہم ان کی کمی محسوس کریں گے، انہوں نے کہا کہ 35 سالہ پینگوئن عملہ اور چڑیا گھر کی سیر کو آنے والے شرکا کے پسندیدہ تھے۔
چڑیا گھر کی انتظامیہ نے کہا کہ عملہ کی جانب سے روزانہ کی بنیاد پر حفاظتی اقدامات کا جائزہ لیا جاتا تھا لیکن جنگلی جانوروں کی جانب سے خطرہ ہمیشہ موجود رہتا ہے، انہوں نے کہا کہ ہم دیکھ رہے ہیں انگلوژز کی باؤنڈری کو مضبوط بنانے کے لیے مزید کیا کر سکتے ہیں۔
واضح رہے کہ ایڈنبرگ چڑیا گھر میں یورپ کا سب سے بڑا پینگوئن گھر ہے، جہاں تین اقسام کی 100 سے زائد پینگوئن موجود ہیں۔
